رواية عائلة الصياد الفصل الحادي والثلاثون 31 بقلم رحمة ابراهيم

                                              

عند ادم ونور 

كان ادم يحضر نفسه للذهاب الى المكتب حتى دلف كرم 

كرم . انت رايح فين 

ادم . على المكتب 

كرم . طيب ممكن اروح معاك لو مش عندك مانع 

نظر له ادم . انت حابب تروح معايا 

كرم . اه انا راجل مش بحب قاعدة البيت 

ادم . تمام معاك ربع ساعه تجهز فيها نفسك وتاجى على طول

كرم بسعاده . مش هتاخر ورقض الى غرفته 

نور . ادم انت عندك شغل مش لازم تاخد كرم معاك  وبعدين مش لازم تسمع كلامه فى كل حاجه كده غلط 

ادم . ياحببتى انا مش بسمع كلامه فى اى حاجه تضره المره اللى فاتت طلب منى يتعلم السباحه دى رياضه يعنى مفيده وانا قدمتله فى السباحه والخيل والكرتيه وهو تمام فيهم وهو دلوقتى حابب ياجى معايا الشركه عادى انا لازم  اخده كل فتره واعلمه حاجات كتير هو اللى هيمسك مكانى لما يكبر وبصفتى ابوه لازم اعلمه مجاله 

نور . اعمل اللى انت شايفه صح 

ادم . نور ياحببتى كرم ولد عاقل انا مراقبه طول الوقت تصرفاته بتدل على ان عنده وعى لكل حاجه بتحصل حوليه لما بيكون عنده مشكله بيفكر فيها كويس واخر لما يغلب بياجى يقلنه ده يدل على انه مدرك ان فى صح وفى غلط مدرك انه لازم يعتمد على نفسه بس لما تصعب حاجه عليه لازم يستشير حد اكبر منه 

نور . لحقت تحلل شخصية كرم بالسرعه دي 

ادم . طبعا مش ابنى يكون فى علمك انا عارف كل واحد فى العيله دى بيعمل ايه وحياته ماشيه ازى 

نور . على كده انت ولا سوبر مان فى نفسك

ادم .. ههههه اه بظبط كده 

دلف كرم الى الغرفه كرم بحركه استعراضيه ايه رايكم 

ادم . حلوه البدله دى 

نور بنبهار . كوكى انت طالع بتجنن 

كرم . طبعا انا راجل اعمال لازم يكون ليا مركزى زى بابا بظبط 

ادم . هو ده بطلى كفك 🤚

كرم . كفك 🤚

ادم . نمشى يابطل 

كرم . احم نمشى يا ادم بيه اتفضل 

ادم . انت كده بتتكلم بعمليه يعنى 

كرم . ايوه بظبط كده 

ادم . تمام اتفضل ياكرم باشا

نور بحب وسعادة . ربنا يخليك لينا ياادم 

:———————-: 

+

فى شقت هيثم الفخمه 

دلف بصحبت هيا كانت صفاء تجلس تضع قدم فوق الاخره

صفاء .مين اللى معاك دى ياهيثم 

هيا .انا هيا ياطنط صفاء 

صفاء ..اسمى صافى 

هيا .ياحول الله حاضر ياطنط صافى حلو كده 

هيثم التى كان يسيطر على ضحكته بالعفيه .احم ماما دى هيا انا بحبها وعاوز اتجوزها 

صفاء .انت بتقول ايه تتجوز مين انت اتجننت 

هيا ببرود ..يتجوزنى انا ياطنط صافى وهو فى قمت العقلانيه 

صفاء بغضب .انتى فكره نفسك مين علشان تتجوزى ابنى 

هيثم . ماما 

هيا .ابعد انت بقي على جنبك كده انا والحجه صافى هنتفاهم 

صفاء 😳 .حجه انا حجه يالوكل انتى مين 

هيا بعدما جلست ببرود .انا هيا عدن السباعى بابا كان راجل اعمال مشهور وغنى عن التعريف وحاليا انا اخت مرات ادم الصياد ابن اختك طبعا عرفاه اما بصفتى انا مين افتحى تلفونك وابحثى عن هيا السباعى وهتعرفى انا مين 

حملت صفاء هاتفها وبحثة عنها 

ظهرت امامها سيرتها الذاتيه مع صورتها 

الاسم. هيا عدن السباعى

العمر 20عام 

الدراسه. كلية فنون جميله 

المهنه. عارضة ازياء مصممة ازياء مصممة حفلات مصممة ديكورات مقدية عروض مصممة رقصات واغانى 

تعمل مع راجل الاعمال الشهير معتز المهدى هى وفريقها العالمى 

+

                

نظرت لها  صفاء بانبهار اخفاه غرورها 

صفاء .همممم بتشتغلى فى الموضه مع راجل اعمال شهير ومعروف معتز المهدى

هيا .بظبط كده فا من نحيت انا مين فا انتى كده وكل الناس عارفه انا مين نقول مبروك 

صفاء .سبينى افكر

هيثم .ماما انا بحب هى لو سمحتى احنا عاوزين نعمل الخطوبه قبل ماتسافر 

صفاء .انتى مسافره على فين 

هيا . على المانيا عندى عرض هناك شهر كده ورجعه على طول  

صفاء .تمام الخطوبه بعد يومين والعرض هنحضره انا وهيثم 

هيا .بس كده من عيونى 

ذهب لها هيثم وضمها .والله بحبك ياصافى 

هيا .طيب همشى انا علشان لازم اجهز

هيثم .تجهزى انتى رايحه فين

هيا . عندى  حفله انهارده اللى عملها ادهم الشافعى بخصوص الترويج للعرض هنا 

هيثم . تمام هوصلك يلا 

بعد رحيلهم 

صفاء . حلو اوى انا كده لازم اروح النادى لازم اعزم صحباتى وخصوصا هندا اللى شايفه نفسها اوى لان ابنها متجوز مصلحه اجتماعيه بينما انا مرات ابنى اشهر منها بكتير وذهبت بغرورها المعتاد 

:—————————-:

+

حرفيا كل اللى زى الحجه صافى بحسهم تافهيين اوى 

مين موافقنى الراى ده 

:——————————-:

1

عند ايه استعدت للعوده بصحبت جاسر وذلك الاحمق الى القاهره 

جهزت نفسها ونزلت الى الاستقبال فى انتظار جاسر

كان محمود هناك 

محمود . احم ازيك ياايه 

نظرت له بلا مبلاه .اهلا 

محمود .شايفك مشيتى فى حياتك لقدام 

ايه ببرود .والله دى سنة  الحياه مش بتقف على ناس تافها 

محمود .همم قصدك انك نسيتينى 

ايه .عندك شك انت واللى زيك ميتشافوش اصلا 

هم بالكلام لكن قاطعه جاسر

جاسر . ايه 

نظرت لمحمود بتشفى واتجهت الى جاسر ووقفت بجواره 

جاسر . هو فى حاجه 

ايه .لا ده الاستاذ محمود كان بيستفسر عن حاجه بس 

جاسر .طيب يلا نمشى 

اتجهو الى جارج المكان عائدين الى القاهرة

:—————————–:

+

فى منزل على وبسمه 

كان على يبدل ملابسه وخرج يبحث عنها وجدها واقفه فى المطبخ وامامها الكثير من الاشياء الخاصه بالطبخ وهاتفها مفتوح على احد الفيدوهات الخاصه بالطبخ وعلى وجهها الكثير من الدقيق

على .بتعملى ايه يابوسى

بسمه .عاااا خضتنى ينفع كده 

على بعدما قبلها على وجنتها .اسف بتعملى ايه بقي 

بسمه .عادى بعمل كيك

على .كيك اااه طيب انتى فكره ان ده هيطلع كيك مش مية كيك 

بسمه .قصدك انى فشله 

حملها على ووضعها على رخامت المطبخ .اقعدى هنا وانا هعلمك ازى تعملى الكيك 

بسمه .انت بتعرف تعمله 

على .اه لما حياة كانت بتخرج كنت انا بعمل الكيك ده لسيرين 

بسمه نزلت من مكانها وضمته .انا مقدره انت حاسس بايه 

ضمها على بحب .هبتدى من جديد علشانك انتى بس علشان عارف انى بعشقك مش بحبك بس 

بسمه .همممم انا جعانه اوى 

على ..نطلب ايه 

بسمه .اطلب عادى يعنى 

على .اه عادى يعنى

بسمه .طيب عاوزه بيتزا وعاوزه شكولاته وبيبسى وشيبسى 

على .كل ده لمين احنا اتنين 

بسمه بغضب طفولى .خلاص مش عاوزه 

ابتسم على على طفوليتها واقترب منها وقبلها على وجنتها ماشى ياستى كل اللى انتى عاوزاه هجيبه حاجه تانى 

قبلته على وجنته لاول مره .لا ياحبيبى 

على .والله لوله انى وعدك مكنت سبتك دلوقتى مهمه حصل

بسمه .ههههههه لا اثبت على وضعك ياحبيبى 

على .ماشى بس بقولك ايه عاوز اى حاجه تصبيره 

بسمه .لا روح يلا بعد جوزنا 

على .بعد بكره هنرجع وهطلبك على طول 

بسمه .ماشى يلا بقي جعانه اوى

اتجه على الى الخارج سريعا بعدما قبلها قبله سريعه على 💋😉

:—————————:

+

دلف ادم الى المكتب بصحبت كرم تحت انظار الموظفين واتجه الى مكتبه 

كانت تلا تجلس تضع طلاء اظافر 

ادم بصوت عالى .تلاااااا

نهضت من جلستها بخضه  . نعم يافندم 

كرم وهو ينظر لادم .براحه شويه يابرو 

ادم .انت حابب تتعلم صح خليك معايا بس للاخر 

كرم وهو يضع يده فى جيوبه .شوف شغلك 

ادم .انتى مش بتشوفى شغلك ليه 

تلا .اسفه والله يافندم مش هتتكرر تانى 

ادم .انا داخل المكتب هتيلى قهوتى 

كرم .لا مش قهوة 

ادم .ليه بقي 

كرم .علشان انا هشرب ذيك وانا مش بحب القهوة

ادم .همممم عندك حق يا كرم باشا تحب تشرب ايه

كرم .نسكويك 

ادم .🤨 والمطلوب منى انى اشرب شكولاته باللبن صح 

كرم .اه صح 

ادم .انت بتتكلم بجد 

كرم .اه 

ادم لتلا .نفزى اللى قال عليه 

تلا .حاضر يافندم تحت امرك

دلف ادم الى مكتبه بصحبت كرم تحت نظرات تلا الغير مستوعبه انصياع الصياد الى كلام ذلك الصغير 

+

    ♡:————–®—————-:♡

+

🌷🌹🌷🌹🌷🌹🌷🌹🌷🌹🌷🌹🌷🌹عائلة الصياد  بقلمى انا رحمه ابراهيم 

♥🌹♥🌹♥🌹♥🌹♥🌹♥🌹♥🌹

    اقتربت نهاية الجزء الاول 

+