رواية الامبراطورة الفصل الرابع والعشرين 24 بقلم نور الشمس
الامبراطورة
الحلقة الرابعة والعشرون
*******************
فى صباح اليوم التالى استيقظت أنجي وتوجه الى الجنينة وأمرت بإخراج الأسود وبتدت تجري وهما بجوارها
استيقظ الشباب جميعا على صوت زئير الأسود وتوجهو الى البلكونة وشاهدو انجي تجري وبجوارها اسدين ضخام وقفو أماكنهم يشاهدوها وعلى وشهم علامات الفخر والذهول وبعد مدة رجعت انجي الى القصر وصعدت الى غرفتها ووجدت مروان قد غادر أخذت دش بارد ولبست وتوجهت الى غرفة والدها وخبطت ودخلت لم تجده نزلت الى السفل وجدت والدها يجلس على الكرسي وفى يده مصحف يقرأ ورده اليومي ذهبت اليه وجلست أمامه وبعد فترة قصيرة صدق ونظر لها نظره عتاب وحزن
أنجي : ليه النظرة ديه
محمود : افتكرتي ان ليكى اب دلوقتي
أنجي : انا كنت خايفة عليكم وحافظت على حياتكم
محمود بصوت عالى : ده مش مبرر لكل الى حصل دانتي مرتبه من زمان اوى
أنجي : بابي اهدي بس
محمود بصوت أعلى : انتى تخرسي وتسمعينى اتعرفتى على توماس اذاي وزاي قدرتي تجمعي رجالة المافيا دول وعرفتي اذاي حكاية أليكس وإلى عمله مع امك وقدرتي اذاي توصلي مايكل بارون انطقي وبلاش تخرسي
أنجي : عاوز تعرف حاضر انا عرفت الى عملة أليكس من مذكرات امي الى انت بنفسك اتدهالى هدية فى عيد ميلادي 13 مع هدية تانية ومنها عرفت كل حاجة مين أهل امى وايه الى عمله أليكس بلاك معاها اما توماس فده اتعرفت عليه لما كنت بجمع معلومات عنه وانا فى فرنسا وكان عندي 15 سنة كان ناوي يقتله بس انا رفضت وخليته يدرب ويبقي قوي وخطتنا ونفذت ووقع تحت ايدنا فيديوهات واليكس بيقتل أهلهم وستغليت الفيديو ده وخليتهم كلهم يبقو تحت خدمتي وينتقمو منه كنت عاوز ايه لما اعرف انه عاوز يحرق قلبك على ابنك ويقتله لو انت مش عاوزة انا عوزاه و
وفجأة سمع الجميع صوت صفعة توجه الجميع ونظرو اليهم وجدو انجي تضع ايديها على وشها واصبحت لون عيونها كالجحيم
محمود : اوعي تقربي من عاصم وتعملى حاجة ومن بكرا الشركات ممنوع تنزليها
أنجي : تمام عاوزنى منزلش الشركات حاضر بس ورحمه امي الله لكسر عاصم وهينه ذي مهان تربيتي وهتشوف بس الصبر انا لما بحب العب بلعب
غادرت انجي القصر ومنعت أي حارس الذهاب خلفها
خرج ماكس يجري خلفها واخذ عربية وساق بسرعة عالية
وقف جميع الشباب ينظرون لبعضهم وتوجه مروان الى والده وجلس أمامه
مروان : ليه وانت عارف انها عملت كده للصح انا يوم الحادثة ولما أضرب علينا نار خفت عليها وانت عارف ومتاكد انها من صغرها قوية وشديدة انا صحيت لقيت ماهي وشريف استغربت جدا اذاي وانا واخد كذا رصاصة حاولت اخرج اتمنعت من حرس على الباب وآخر مزهقو ادونى حقنة منومه فضلت نايم لتاني يوم ولما صحيت لقيت انجي ادامي وقالتلي كل حاجة إلى المفروض اعرفها ولما أعترض خلت ماجد ينشر خبر موتى ومكنش ادامي حل غير أوافق على كلامها انت عارف وانا عارف انها عملت كده للمصلحة وعمرها مهتسيب حقها مهما كان و عاصم هتعقبه هتعقبه يبقي نسكت ونخليها تعقبه عقاب خفيف بس بعد الى عملته ده عقبها هيكون قاسي وشديد ربنا يرجعها بالسلامة وبسرعة بعد اذنك
ذهب مروان وترك والده بمفردة
ادور : يعنى ايه ترجع بسرعة
مروان : فى مرة ضربها قعدت 3 ايام محدش عارف طريقها الله واعلم المرة ديه هيبقي كام يوم
تركه مروان وذهب الى غرفته
&&&&&&&&&&&&&
عند أنجي
********
غادرت انجي القصر بسرعة ووصلت بعد كده على المقابر ونزلت ودخلت عند أمها ارتمت انجي على الارض امام قبر امها وتخنقة بالعياط
أنجي : انا تعبت اوى اعمل ايه هو كان عاوز مروان يموت ويحرق قلبي عليه ولا عاوزنى اكون عشيقة لأليكس اعمل ايه يا امي انا رديت كرامتك وكرامه ابويا انتى عارفة انى هبقي قوية ذيك وانا نفذت الوصيه بقيت قوة لا يستهان بيها حتى عاصم الشخص الوحيد الى حبيته من كل قلبي واتمنيت انه يكون ليا هان تربيتي وقلل من شرفي هو انا وحشة اوي كده علشان محدش يحبني انا تعبت والله تعبت كل الى عملته وفي الآخر ملقتش كلمة شكر واحدة انتى عارفة انا هفضل هنا لغاية فرح مروان وبعد كده هبعد عنهم كلهم نفسي اعيش لنفسي انا من يوم مقريت المذكرات وانا وهبت نفسي لحمايتهم والانتقام من صغري نفسي فى حضن حنين عليا ورحمه امي لهريح الكل منى وإلى عوزينه يعملوه ومهما دورو محدش هيعرف يوصلي انا زهقت من يوم معرفت الوصية انا كبرت اوى لدرجة انى حاسة انى عمري 100 سنة ليه يا امي اخترتيني انا مش مروان ليه حملتيني الحمل التقيل ده يمكن انتى كنتى عارفة ومتأكدة انى هطلع شبهك فى الشكل والطباع علشان كده حملتيني الوصيه وانا بقيت ادها وحلفت على قبرك انى مش هاجى هنا الى لما ارجع حقك وحافظ على حياه مروان وأبويا بس لغاية كده وكفاية انا خلاص فاضل ليهم بس جواز مروان وبعد كده ينسو أنجي الصغيرة للابد بس قبل مهمشي لازم اربي عاصم وعلمه ان الظلم حرام عارفة يا امي قلبي وجعنى اوي نفسي اعيط وصوت نفسي ارتمي فى حضن حنين وضعت انجي رأسها على قبر امها
بعد فترة شعرت انجي بأحد يجلس بجوارها ويضع يده عليها
ماكس : عارفة زمان واحدة قالت ليا لما قلبك يوجعك حرر دموعك وهو هيستريح عيطي انجي وصرخي
انجي : وانت فاكر انى كده هستريح بالعكس هضعف اكتر وكل الى حوليا هيدمر انا من صغري جبل الكل بيرمي همومه عليه وانا بشيل هموم الكل مش سهل عليا انى اعرف الى عمله أليكس بلاك فامي وسكت وبردو مش سهل عليا أقتل روح ذي وبقي برده عادى كده انا تعبت ماكس
ماكس : عارفة من ساعة موصلي خبر دخولك فرنسا وانا اتمنيت اشوفك اتمنيت اعيش فى المكان الى فضلته عمتي وشوف الراجل الى قدر يحول الامبراطورة المقنعة الكارها للحياة لامبراطورة محبوبة وطيبه كنت بسمع كتير عنها انا فعلا عيشت معاها بس مش كتير عارفة من ساعة مكبرت وعرفت شغل عيلتي وانا فرحت ليها جدا عنها قدرت تخرج برا الدم والقرف الى عيشين فيه نفسي اخرج من العيلة ديه نفسي ارجع اخر اليوم وانان مستريح مش خايف لصحا على شخص ادامي وعاوز يقتلني كان نفسي احمي نفسي من كل ست شوية وأفضل محافظ على طهارة ونقاء جسمي للست المناسبة ليا كنت بستهزء بكلام ظافر الأندلسي أنه عمره مهيلمس ست غير حبيبته وعشيقته الصغيرة كفاية نظرة الحب والحنان إلى كنت بشوفها فى عيونه لما يتذكر اسمها اتمنى قلاقي واحدة ذيك او ذي لؤلؤة الحديدي
أنجي بحنان : انت طيب ماكس ولم شاء الله هيرزقك بواحدة طيبة وهبلة وتحبك وتحافظ عليك
ماكس : ليه هبلة
أنجي بضحك : الى يتجوز الهبلة يعيش فى هبل طول عمره
ماكس : طيب يالا نرجع البيت
انجي : مليش مزاج وكمان انا جمعت الشلة كلها وهروح اشوفهم
ماكس بغمزة : فيهم بنات
انجي : لو تقدر عليهم
ماكس بفخر : يا بنتي انا ماكس بارون اللورد يعني مفيش بنت متقعش فى حبي
انجي : طبعا اللورد بس برا مصر
ماكس : انتى ناوية على ايه لعاصم
انجي : أفرح أخويا وصحبتي وبعد كده هعمل الصح
ماكس : ايوه يعنى هتعملي ايه
انجى بارف : انت عامل ذي خالتى اللتاته ايه
ذهبو الى مكان أصحابها وفضلو شوية بعد كده روحو
&&&&&&&&&&&&&&&&
لم يحدث أي احتكاك بين محمود و انجي غادر الشباب الى بلادهم على موعد المجي يوم زفاف مروان
&&&&&&&&&&&&&&&
جاء يوم الخميس
****************
وتألق مروان ببدله كحلي
وارتدي والده بدله باللون الأسود
ارتدت انجي فستان باللون الأخضر الفيروزي
توجهو وسط الحرس الى فيلا الليثي وكان فى استقبالهم منصور الليثي و عاصم
دخلو الى الداخل وجلسو بعد قليل نزلت ماجدة الليثي ورحبت بهم
انجي : هي فين ماهي انطي
ماجدة : فوق يا حبيبتي
انجي بهزار : هي عمله فيها عرورة
منصور : لا ياختي انا بنتى احلى عرورة
انجي بضحكة جميلة : يالا نجري مروان شكلك هتدبس
عاصم : والله اختى أميرة مليون واحد يتمناها
انجي بنقورة : والله يعني مش شايفة المليون يعني
ماجدة : وانتى يا حبيبتي مش ناوية تتجوزي
انجي بخضة : ليه كده يا طنط انا لسه صغيرة وعوزة ادلع من أخويا وأبويا مليش انا فى الجواز
منصور : ليه يا انوش اكيد هيجي الفارس الى هيخطف قلبك
انجي بسخرية : اسكت مش الفرسة رجليها انكسرت
ماجدة بضحك : بكرا هتحبي وهتقولى طنط ماجدة قالت
انجي بغمزة : لو انكل منصور العريس انا موافقة معنديش مانع بس انا ذي الفريك مبحبش شريك
ماجدة بخضة : انتى عوزاة يطلقني
انجي بتاكيد : عوزاه يجدد والله يا عمو انا عندى عروسة موزة جامدة آخر حاجة
مروان : انتى جاية تجوزية طيب جوزينى انا الأول
محمود بجدية : بص يا منصور احنا طلبين ايد بنتك ماهي لمروان ابني
منصور : والله انا معنديش مانع خالص بس اسأل بنتي الأول
انجي بصوت واطي : ديه هتموت عليه وبعد الى حصل لازم نلم العيال
مروان بصوت واطي : اتلمي علشان مضربكيش
عاصم : اطلع هات اختك
عاصم : حاضر
صعد عاصم الى غرفة ماهي ووجدها تسير فى الغرفة بقلق كتم عاصم ضحكته بصعوبة
عاصم بحزن : ماهي
ماهي : هاا بابي قال ايه وافق
عاصم : بابا رفض مروان
ماهي بحزن ودموع : كل ده علشان الشغل والمناقصات واحنا بنحب بعض ليه تحرمونى منه
عاصم بذهول : يخربيتك دانتي واقعة على الواد اتقلي شوية عندها حب انجي انك هتموتى عليه يالا ياختى منزل بس اعدلى المكياج علشان ميهربش منك
ماهي : يعنى منص وافق
عاصم : مستني رايك انا هنزل أقوله انك رافضة مروان
ماهي بعصبية : والله يا عاصم لو اتحركت من هنا هقتلك ومنزل اقتل امك وأبوك و انجي وابوهم واخد مروان وهرب
عاصم : خلصي يا بت
عدلت ماهي مكياجها ونزلت مع أخوها وتوجهت إلى مكان الجميع وجلست
انجي : عيشت وشفت ماهي بتكسف
ماهي بصوت واطي : اتعدلي علشان مولعش فيكي
انجي بجدية : عمو منصور ادام العرورة والعرير هنا يبقي نسمع رأي العرورة
منصور : ماهي انا طول عمري مديكي الحرية وانا يا بنتي واثق فى تربية محمود و انجي الله يرحمها فأنا عاوز اسمع رايك
ماهي بكسوف : الى تشوفة يا بابي
انجي بخبث : ليه ان شاء الله هو انا أخويا يتساب
ماهي بسرعة : والله انا موافقة بس بسمعهم بيقولو كده فى الأفلام
انجي بضحكة رنانة : مبروك يا حبيبي مبروك يا صاحبة عمري
ماهي بذهول : بقي انتى بتوقعيني يا انجي
انجي : مبروك يا جماعة ارتباط العلتين
مروان : الجواز امتي بقي
ماجدة : براحة يا مروان قول خطوبة الأول
منصور : ايه رايك يا محمود اول خميس من الشهر الجاي نعمل الخطوبة
انجي : توضيح صغير هو فعلا اول خميس من الشهر الجاي هنعمل الدخلة مش الخطوبة
ماجدة : بس مش هنلحق نعمل حاجة
انجي : طنط هو جاهز والجناح بتاعة جاهز الى تعديل احنا جاهزين ليه وهى الهدوم هتنزل تجبها وممكن تطلب من النت وفستان الفرح هيجي من كوريا وهيتعمل بايد المصممه سابي نيجو والقاعة هتجهز وكروت الدعوة فى ظرف يوم هتكون جاهزة يبقي ليه التأخير ولو بالفرض تجهيز الجناح اتأخر يبقي عقبال ميجو من شهر العسل يكون كل حاجة جاهزة وكمان بكرا سابي نيجو تبعتلنا أحدث صيحات الذهب والالماظ وتختار الى يعجبها هاااا قولتم ايه خلونا نفرح بقي وأكيد مش محتاج تسأل عن العريس هو ما شاء الله عليه أدب وأخلاق ومال وجمال وتعليم وماهي بردو نفس الأخلاق يبقي خير البر عاجلو واحنا مشهورين وأي حركة ليهم وسائل الإعلام مش هترحمنا وسمعتنا هتكون على لسان الناس انا عوزة أخرس اي حد يتكلم
منصور : قولتي ايه يا ماجدة
ماجدة : انا اهم حاجة سعادة بنتى وفرحتها وانا وثقة فى مروان
منصور : وانت عاصم
عاصم : والله انا راي موافق طبعا الف مبروك
منصور : يبقي على خيره الله موافق
أخرجت انجي علبة من حقيبتها واعطتها لمروان
انجي : مروان لبس خطبتك خاتم الخطوبة
مروان بذهول : بس ده خاتم امي وهو المفروض ليكى انتى
انجي بابتسامة جميلة : وديه وصيه امي ان الخاتم ده يبقي ملكك انتى وتاخده البنت الى هتحتل قلبك مبروك يا ميرو
مروان بحب : الله يبارك فيكى
جلس مروان بجوار ماهي وأخرج الخاتم ولبسلها
انبهر بيه الجميع وبجماله
انجي : لو مش عجبك ماهي ممكن مروان يجبلك غيره
ماهي بفرحة : لا عجبني اوى انا من شاع مكبرنا ونفسي أشوفه اوى
عاصم بذهول : انتى كنتى عارفه
ماهي : انجي حكتلى عليه بس مكنتش متوقعة أنه حلو اوى كده
انجي : مبروك يا احلى صديقة ومرات اخ فى الدنيا بس فى حاجة لازم تعرفيها انتى ليكى ايام وانا ليا ايام
ماهي : مش فاهمة
انجي : يعنى انتي سبت واتنين واربعاء وانا حد وثلاثاء وخميس وهو الجمعة هيفضل لوحده
ماجدة : ليه كده
انجى بطفولية لزيزة : امال انتى عوزاها تاخد أخويا منى لوحدها انا بحب انام فى حضنه
عاصم بابتسامة ساحرة : خلاص اتجوزى انتى كمان
انجي بسخرية : احبوش هو مروان وبس
قطع كلامهم صوت رنين هاتف انجي فستاذنت وخرجت ترد
بعد انتهاء المكالمة لفت وشها وكان عاصم يقف خلفها
انجي ببرود : خير
عاصم : مين كان على التليفون
انجي : اسمع عاصم انا اسمي أنجي الكاشف مش ماهي الليثي مش من حقك تحاسبني
عاصم : هتبقي ملكي انا
انجي بجبروت : فكر احسن فى عقابي لأنه هيكسر غرورك وسمعتك ادام الناس
عاصم : تقصدي ايه ممكن تعملي حاجة في ماهي
انجي : ماهي دلوقتى مرات أخويا وانا مفصحش شرف واحدة ابدا بعد اذنك
دخلت انجي الى الداخل وجلسو فترة بعد كده غادرو الى القصر وصعدو الى اجنحتهم
بعد قليل دخل مروان الى جناح انجي ونام بجوارها
مروان : شكرا يا احلى نوشا فى الدنيا
انجي بحب : وانا عندي الفرحة الى فى عيونك كفاية عندي
مروان : طيب اروح اكلم الحته بتاعتي
انجي : مكنتش اعرف انك ليك فى البوس ارحم البت
مروان بذهول : وانتي عرفتى منين
انجي : العصفورة قالتلي يالا روح كلمها
مروان : تصبحي على خير يا قلبي
انجي : تصبح من اهل الجنه
نام الأبطال على فرحة تجمعهم بمحبيهم
