رواية فاتن وجميلة الفصل السادس 6 بقلم مروة حجازي

محمد ..بدموع والم كدا بردوا ياعمى

عمي محمد ..بغضب متقولش عمى لو اتصلت تانى وقسما بالله نقتلك انت واللى ناوى تتجوزها غور فى داهيه وقفل الخط ومن بعدها وانا ما اتصلتش عالبلد تانى

وافضلت قاعد شهرين انتظر ان حد منهم يسال عنى فالشغل او حتى اخواتى يسالوا عنى ولكن للاسف . وتعبت نفسيا واهملت الشغل وبعدين لاقت الحج سعيد جدك ابو حورية امك بيسالنى مالك يا بنى انت تعبان

معرفتش اقوله حاجه قولتله شوية يا عمى

وفضل جنبى يرعانى وبعد شهر طلبت منه ايد بنته وقولت له على ظروفي فى الاول اعترض ولكنى استمريت فى الالحاح ووافق وقال لى .

عم سعيد ..يا بنى انت متعرفنيش ولا تعرف عننا حاجه بس اقولك ان حورية بنت طيبة ومتستحملش بهدله احنا من العريش وكان اصلنا من بلاد الشام بس نزلنا من زمن واستقرينا فى مصر محافظة العريش

والدى وامى وعمتى .

عمتى ماتت وهى بتولد نور ام حورية ، وبعدها والدى مات .

ونزلت مع امى ونور القاهرة واستقرينا هنا واتجوزت نور وخلفت حورية وبعدها امى ماتت وعشت انا ونور ام حورية لكن الموت رحمها من من تعب الكانسر و ماتت وبعدها باربع فضلت. انا وحورية عايشين لوحدنا ومستكفيين ببعض عن الدنيا . ودى حكايتى

يا ابنى انا بحكيلك كل دا علشان حورية طيبة وملهاش اهل يعنى اللى هياخدها هيكون لها اهلها جدها وأخوها وابوها وكل ناسها .

يا عمي انا هكون كل اهلها وانتم هتعوضونى عن اهلى اللى اتبروا مني

عم سعيد ..حاول يابنى تكلمهم

محمد ..انا كلمتهم من يومين وكان نفس الرد من عمى .

عم سعيد ..اللهم لا حول ولاقوة الا بالله ربنا يهدى الحال .

محمد خلاص ياعمى هنقراء الفاتحه ونكتب الكتاب بعدها باسبوع والشقة اللى موجود فيها اهى هتنفع

وبالفعل اتجوزت حورية وخلفت منها احلى بنوته فالدنيا وانتى كان ليكى اخت توأم بس للاسف ماتت تانى يوم .. وامك تعبت جامد وكانت ام مروة بترضعك مع بنتها لحد ما امك فاقت

وبعد سنه جدك سعيد كمان مات وزعلت جدا عليه لانه كان اب حنون وتمر السنين والايام واصادف عمك فارس وكان لقاءنا صدفة وعرفت انهم بيدوروا عليا من زمان لان بعد ما اتجوزت امك سيبت الشقة اللى كنت عايش فيها ورحنا شقة فى مكان افضل فى المهندسين وشركة تانيه لانى استقلت وهما معرفوش يوصلوا ليا تانى .

لما قابلت عمك فارس فرحت جدا بس خوفت عليكى يابنتى عادتنا فى العيله غريبة البنت تتجوز من العيله . علشان كدا سافرت انا وامك بس مشوف الوضع واذا مرجعتش متدوريش على اهلك فى الصعيد اختفى اتنقبى او سافرى اى بلد تانيه حافظى على نفسك يابنتى

وسامحينى ابوكى وبيحبك ويخاف عليكى اوى

فيه اوراق ملكية الشقة اللى فى الاسكندرية وشالية شرم وارض الساحل كلها باسمك والشقة بتاعت المهندسين كمان بتعتك فيه وديعه باسمك فى البنك ب٣ مليون

دا كل ما نملك ميراث من جدك سعيد على شغلى خلى بالك من نفسك وسامحينى

سامحينى