رواية دية الصلح الفصل السابع 7 بقلم مرج البحر
رواية دية الصلح الفصل السابع 7 بقلم مرج البحر
سولاف : كلتله ماشي مراح نطلع
قضيناها ٧ ايام برعب كاعدين بالبيت
والعشائر تتوسط حتى تنحل السالفه
طلبو منا نطلع من البيوت مالتنه لغير منطقه
طلعنا وبقينا ٨ اشهر على هاي الحاله بين الخوف والقلق
الا اجى ذاك اليوم ودخل وفد شيوخ لبيت عمي الكبير
وطلبو فصل ٢٥٠ مليون واحد الوجهاء الشيوخ كال حتى نوقف الدم وننهي الثار الي بينكم تنطون وحده من بناتكم لابن المقتول لازم يتزوجه وتجبلهم ولد هاي تعتبر ديه اللصلح
بينكم حتى تصلح الخلاف بينكم ..
وافقوا عمامي على شرطهم ودخلو عليه كالو سولاف احنا قررنا نزوجج لشخص ولازم توافقين لان هذا الشي الي راح ينهي الخلافات
ونكدر نطلع بامان ونكدر نرجع البيوتنه والحياتنه الطبيعية من غير خوف وقلق
سولاف :صدموني بكلامهم وليش اني يعني كمت اعيط كلت الهم مااتزوج اريد ابقى
يم اخواني
رد عمي كال مو بكيفج انتي تروحين وتزوجين ابن المقتول تبقين يمه اجيبيله ولد وبعدها وبعدها اذا تريدين تبقين وياه او ترجعين لبيتج ولخوانج هذا القرار بعد يمج
سولاف : يعني اروح متعه حتى مو زواج والله
لو تموتون كلكم مااقبل
جاوبني عمي بعصبيه وكال تروحين و غصباً عليج وطلع
الصراحه مااعرف شنو يعني اروح ازوج وشنو يعني اجيب الهم طفل وارجع كل هاي التفاصيل مااعرف عنها شي اول مره اسمع بيها بقيت ثابته على كلامي و رافضه هذا الوضوع تماماً
ثاني يوم دخلو عليه زوجات عمامي وكالوا
تحضري العرس بعد يومين هم يله نلحك التحضيرات
صفنت عليهم هاي من كل عقلهم يحجون
المهم اخذتهم على كد عقولهم لأن مالهم ذنب
وخلصنا اليومين بين المزح والاستهزاء سئلت زوجة عمي شنو يعني ياخذوني دية شنو اجيبلهم ولد فهمتني عزه طلعت السالفه مو بس هيج النوب اشتغل
خادمه ومااطلب شي ولا ارفض طلباتهم ولا
احجي اي شي فقط انفذ الاوامر وكل هذا اخلف الطفل وياخذو مني يمه عززز شيتحمل كلبي بعد عزه خلص قررت اشرد .
وفعلاً سمعت صوت عمامي يم بيتي ركضت للسياره صعدت وقفلت الابواب وشغلتها حتى
اطلع عمامي يصيحون بيه واني ولا مهتمه الهم
طلعت وصارت كدامي سيارتين سدو الشارع
جانو هواي شباب شايلين سلاح وشكلهم يخوف
طلع عمي الكبير واستقبل رجال كبير واشرله
عليه اجاني شاب دك باب السياره حاول يفتحه ماكدر يمه شكله يخوف وضخم
اني رفضت ما فتحتله الباب طلب انزل الجامه
رفضت
مااحس الاضرب الجامه وكسرها وفتح الباب
وجرني من ايدي بقوه واني اعيط واكمز بس
شنو الفايده
اني بين ايده مثل النمله سحلني لسيارته ونزلو
منها الشباب بقينا بس اني ويا اتوسلت بي
فدوه اخويه اني مالي ذنب اتركني الله يخليك
عيط بوجهي سكتي ولا كلام وبعد كلمة اخويه
اذا لفضتيها اكطع السانج من هذا اليوم اني
زوجج فتهمتي
سولاف : عزه اذا صدك هذا راح يصير زوجي
الله ياخذني ولا اصير زوجة هذا الوحش
مشت بينا السياره واني مااكدر اعيط خايفه
منه دموعي تنزل لا اراديا وافكر بأخواني
شراح يصير بيهم من بعدي احلامي كلها راحت
حياتي ادمرت ..
# تلك جروحي٠٠٠ستخبر ربي انكم ظلمتوني ..
ستخبره .. انكم شرعتم شريعه ليس في كتاب
ولا سنه رسوله ربي اوجدني .. من ضلع
ادم الذي .. ظلمني ونسى اني جزء منه ..
ربي لم يظلمني عندما خلقني منه حشاها.!
لانه ارحم بي من الذكر … وباقي البشر
وبيوم الحساب لن تنفعكم اعرافكم .. ولا
قوانينكم ولا سطواتكم وقوتكم .. لانه ببساطه
اقوى منكم لانه الجبار .. الذي سياخذ حقنا
منكم وحق نبينا لانه وصاكم بنا لاننا نحن
من شبهنا بالقوارير .. نحن ارق من ندفه
الثلج .. نحن حواء التي خلقت في الجنة ..
وكنا ولازلنا أمانه رسوله الكريم التي لم ..
تصونها .. وعقابكم سنراه باعيننا يوم لا ينفع
لا مال ولا بنون …
د
سامر : بعد ما رفضت سولاف كلش تأذيت
وصرت طول الوقت عصبي ونفسيتي
تعبت كلش وقررت اتخطى هذا الشي
وحبه يبقه بكلي وضليت اراقبهه من بعيد
وصارت قضيه عمها قتل واحد وطلعتهم
من المنطقتهم وهيه تركت محل الهداية.
والمشغل صرت مااشوفهه واني صارت
عندي دوره بغير محافظه والتهيت بيهه
وبعد ماعرفت عنها شي وبعدها امي
تخبطت وضعيتهه ولضليت وياهه وحالتهه
كلش تعبت اخر شي كلت لازم اروح البيتهم
حتى لو اشوفهه من بعيد رحت على منطقتهم
الي كعدو بيهه واني كلبي لاجمني وكلش
ما مرتاح عبالك حاس راح يصير شي
دخلت المنطقتهم كليت سيارات وشباب
شايلين اسلاح عبرت من يمهم وني كلبي
زادت عصرته وزادت دكاته خليت ايدي
على كلبي وكتله هاي شبيك اهدئ بين
ما وصلت البيتهم شفت الهوسه بابهم
سالت طفل بشارع كتله عمو شنو صاير
هنا كال مااعرف عمو شوية واجه شاب
يصيح على الطفل كتله العفو اخوية شنو
هاي الهوسه كال هذوله اهل المقتول اجو
اخذو فصل وحلوهه المشكله كتله يعني
تنازلو عن دم ابنهم كال اي بعد مااخذو
مره من عدهم حتى يوقفون الدم والثار البينهم
اني هنا كلبي عصرني اكثر كتله ليش همه عدهم بنات كبار اني الي اعرفه ماعدهم بنات الزواج حجيت هيج اريد اعرف وتاكد الي بالي
صح كال اي بنت اخوهم الكبير بنت ابو سولاف اني هنا من سمعت اسمهه عبالك واحد ضربني على راسي صعدت السيارة حتى من
غير ما ارد على الولد رحت وراهم كلت امنعهم
وشيريد يصير خلي يصير بهذيج الساعة عقلي
قفل كل الي بالي انو شلون حبيبتي تروح من
ايدي واكيد هيه مو قابله اذا اني رفضتني
علمود اخوتهه طلعت بكل سرعتي وجنت ناوي
ارجعهه بس الي وكفني هو صوت التليفون
عامر اخويه فتحت الخط واجاني صوته وهو
يكلي سامر لحك امي هنا صارت الدنيا ضلمه
بعيني منا حبيبتي الي اخذوهه منا امي الي
مااعرف شبيهه فريت سيارتي ورحت البيت
ونقلت امي المستشفى وبعد الفحوصات
الدكتور كال اخذوهه البيت امك ماتفيد حتى
وجوده بالمستشفى ماله داعي انتضرو بس رحمه الله اخذت امي ورجعتهه البيت واني
اشوف امي بس نفس يصعد وينزل نزلت
دمعتي واني اشوف امي هيج وضعها ومنا
كلبي الي راح بروحت سولاف رفعت عيني
السماء وحجيت ربي دخيلك وحق رسولك
الكريم تعبت امي تحت رحمتك والبنت الي
حبيتهه راحت ارحمني يارب ..!
امي جان كل همهه انو تروح البيتهه بالنجف
وتشوف اخوتهه اني هنا استسلمت لان امي
هاي لحضاتهه الاخير مااردت اخلي بنفسهه
اتصلت على دورية جماعتي وطلعت اسعاف
وياي علمود انقل امي بالاسفاف واخذت الفلوس وحتياجاتي واخويه هم وخصلت
كلشي بسرعه وجهزت امي ونقلتهه واني
كل تفكيري بل راحت واخذت كلبي وياهه
وعفتهه وراي وعفت كلشي كلبي وحبيبتي
عفتهم واني اشوف الافته بابل تودعكم
اني صدك ودعت كلشي بيهه وطلعت مااعرف
اذا ارجع او لا راح اشوف سولاف مااعرف تركت كلشي الايام وهكذا كانت النهايه …!
سولاف:صلنا للبيت بقريه بيت عادي وجانت اكو مزارع وبساتين كال يله انزلي .
نزلت واستقبلوني النسوان ناس تهلهل وناس تشمت بيه
اباوع بالوجوه اريد اشوف فد وحده عليها ملامح الانسانيه ماكو وجوهن عباره عن كره
دخلوني ليجوه طبعا مااحجيلكم التكرص والضرب بظهري الصار
دخلوني بغرفه وقفلو الباب
وره شويه فتح الباب وكال شوفي تصيرين ادميه وتتحملين الي صار بسبب اهلج افضل
واذا لعبتي وسويتي مشاكل راح تشبعين كتل
وذل بعد شويه بجي السيد حتى يزوجنا
سولاف : كلتله واني مااوافق وشتريد تسوي سوي
هو اتخبل اجه عليه موتني كتل وطلع
بعد ساعه تقريبا اسمع اصوات هوايه اجتي
وحده فتحت الباب وهم ماقصرت بالضرب والشتم وطلعت تعبت كلش وجنت منهاره
ونمت بلا وعي .
حسيت على صوت واحد يعيط فتحت عيوني
كال كومي يله السيد وصل كلتله فدوه اتركني
اني مالي ذنب
جرني من شعري وكفت كال كلامي ميصير اثنين ويتنفذ بدون اي رفض يله لبسي حجاب
وطلعي بسرعه
كمت من الخوف لبست شال وطلعت ويا
دخلنا للديوان وجان اكو هوايه ناس
رفضت الزواج وسحبني للغرفه وضل يضرب بيه لحد مااغمى عليه
حسيت الدنيا ضلمه مااعرف شكد بقيت متخربطه وكاتلني الجوع بس مستحيل اكل منهم ذولي اذوني وشفت انواع الاهانات منهم
فجأه سمعت صوت الباب ينفتح ….
