رواية غرام ابليس الفصل السابع عشر 17 بقلم مريم عبدالرحمن

رواية غرام ابليس الفصل السابع عشر 17 بقلم مريم عبدالرحمن

الفصل السابع عشر…غرام إبليس
لمريم عبدالرحمن
الواتباد….
___________________________________
ورد بفستان اخضر واقفه ف مكان ضالمه بتدور على شعاع نور من بعيد قربت لقت حمزه واقفلها بشمعيه و بيشاورلها تكمل مشي إبتسمت لوجوده و كملت مشي و مشيت قدامه لاحظت ان شعاع النور بقا كبير جدا بصت وراها لقت حريق و صوتت…

صحيت و هي بتصوت من الكابوس…
سلوى بخضه / ورد انتي كويسه؟؟انتي عرقانه خاالص
ورد بتوتر / كوباية مايه

سلوى قامت بسرعه جابت كوباية مايه و شربت ورد..

ورد/ هي الساعه كام؟
سلوى / ١٢ الضهر
ورد بابتسامه/ تمام
سلوى بإستغراب / مش ناويه تقوليلي في اي حلمتي ب اي يعني
ورد بتنهيده / انا محتاجه دلوقت حد بيفسر أحلام لإن الحلم ده انا محتاجه تفسيره هيفرق معايا اوي
سلوى / في واحده صاحبتي كنت اعرفها من مصر زمان كانت بتقرا فنجان و كانت بتفسر احلام و تقرا كف
ورد بلهفه/م توديني عندها
سلوى بآطمئنان/ هكلمها و نروح عندها
ورد/ حقيقي يا سلوى انا بحبك اووووي
سلوى بضحك/ وانا بحبك جداً و ربنا يعلم
______________________________
نور الشمس داخل من شباك مكتبه الهدوء فالمكان دخان سجايره متصاعد و أخيراً صدر صوت..

نجيب بضحك مستفز / كل واحد بيدور على مصلحته و أنا فالموقف ده كنت لازم الحقيقه ادور على مصلحتي

حمزه فقد السيطره على أعصابه المره دي..

حمزه بزعيق/ إنت اااااااي؟؟معندكش دم؟اي مصلحتك إييي من كل ده؟تقدر تفهمني؟ليه عاوزني اتجوووزها؟؟؟
نجيب ببرود/ عشان أعلمك الأدب و أعرفك كووويس اللي ميسمعش كلامي يحصله إي قلتلكو هتودينا ف داهيه و ودتنا يبقا انت لازم تشيل الليله و تتعذب
حمزه بزعيق / أنا ابنك اااااابنك تعذبني إي و ارف اييييي انت معندكش دم؟
نجيب ببرود/ من امتا و بقيت عصبي كده يحبيبي صحتك يا إبني
حمزه بيجز على سنانه/إستغفر الله العظيم
نجيب / مش هتتجوز زينه يعني؟
حمزه ب عند / لا مش هتجوووزها
نجيب ببرود / حلو انا هقدملك حاجه احسن مليون مره من إنك تتسجن
حمزه بإستغراب / افندم؟؟
نجيب بضحك/ ورد اللي بتجري وراها و واقف بتبجح في ابوك عشانها متحده مع ياسين و محمود عشان ياخده حقهم منك هتقول بردو انا مش مصدق و انا هعمل نفسي بشفق عليك بس سبب انها تحوش جوازك ب زينه صحيح عشان تتجوزها بس عشان تسمك و ياخده فلوووسك و يستريحو منك يا حبيب بابا السم هيتحطلك فالكوبايه معرفش امتا بصراحه بس لازم تاخد بالك
حمزه بصدمه/ جبت كلامك ده منين
نجيب بضحك / من مطرح ما جيبته

سكوت دقيقه …

نجيب ببرود / أو اقولك زينه عي اللي قالتلي البنت كويسه و محترمه و بحجابها عكس اختها شيطانه ميغركش الملاك اللي إنت شايفه في ورد
حمزه بعصبيه/ عارف لو كلامك طلع غلط…
نجيب ببرود و نقاطعه لكلامه/ اوعى تكون بتهددني؟؟
حمزه ببرود زيه/ لا كفالله الشر تهديد إي
نجيب بضحك مستفز / هتعرف كل حاجه فالوقت المناسب و الصح أو ممكن يكون فات الآوان من دلوقت أنا سايبلك المجال مفتوح اتصرف براحتك يا حبيبي
حمزه بزعيق / إطلع برا
نجيب بضحك/ بتطرد باباك؟
حمزه / أه ده بيتي
نجيب / صحيح الواحد مبيطمرش فيه خااالص يلا انشالله ما حد حوش

_قام نجيب ببرود و مشي أما حمزه فكان بيطلع نار من الغضب و العصبيه اتحول من اكتر شخص بارد لشخص لو شاف حد قدامه هيصرخ فيه بأعلى صوت

حمزه بهمس و بعصبيه/ أنا عارف هعمل اي كوويس اووي
____________________________________
_سلوى بترن باب شقه في عماره و منتظره مع ورد الشخص اللي هيفتح… و أخيراً فتحت الباب بنت …

سلوى بفرح/ كاميليا وحشتيني
كاميليا / يخييبك يا بت ده انتي إحلويتي

و حضنوا بعض…
“كاميليا وشها مليان ميكب و لابسه كعب و طقم كله ترتر و بتاكل لبانه بطريقه مستفزه و حطه أظافر مركبه في إيدها”

كاميليا / خشي إنتي و الخايبه اللي معاكي
ورد بضحك/ ده انا؟
كاميليا بضحك/ أه يا حبيبتي أدخلي قال عاوزه تفسري حلم ده انا هقرالك الفنجان و هظبطك و كله بتمنه برضه يا عنيااا
ورد بضحك/ بصي أنا معايا …
كاميليا بمقاطعه/ لا لا فالاخر لما ابسطك كدهون
سلوى بإبتسامه/ تصميم شقتك حلوه يا بت يا إيمي
كاميليا / تسلم عيووونك يا قلبي

_ولعت كاميليا جابور الغاز اللي جمبها على القهوه و جابت فناجين و قاعدين فالأنتريه طراز تحفه

كاميليا / نبدأ بالقهوه عشان أعرف أفصر الحلم كويس
سلوى / خدي راحتك يا إيمي
ورد بهمس / ليه بتقولي إيمي
سلوى / كنا بندلعها كده ف ثانوي اسهل من كاميليا بردو
كاميليا / خدي يا عيوني اشربي القهوه و احكيلي و إنتي بتشربي خلينا ندردش
ورد كشرت/ حلمت إني لابسه فستان أبيض و ف مكان زي ممر ضالمه و أخره نور لما فضلت أجري لقيت حمزه واقفلي ب شمعه و قالي بإطمئنان أمشي انا وراكي هيكمل نور للممر يعني و ابتسمت و مشيت فجله لقيت النور بقا عللي اوي ورايا و بصيت ورايا لقيت الشمعه اتملت حريق و انا صوتت و صحيت
كاميليا / السؤال هنا يا عيوني مين حمزه ده

_ورد بصت ل سلوى و سلوى هزت راسها بإطمئنان

سلوى بابتسامه/ كاميليا ليها زباين كتيير يا حبيبتي متقلقيش و معروفه بالثقه و مبتقولش لحد اسرار

ورد بتوتر/ حمزه..يبقا شخص كده انا همثل إني هتجوزه و هسمه
كاميليا بشهقه / هتسميه ليه يا عيووني
ورد / قتل صاحبتي
كاميليا / بصي مبدأيا حلمك يدل إن انتي اللي هتعمليه ده غلط إن انتي هتبقي ماشيه ف طريق غلط و هو هيبقا ليكي ملجأ و أمان و هو يا خبت عيني هيتغدر بيه بس انتي هيفوت بيكي الاوان لو كملتي فالوضه ده هتلاقي نفسك في مصايب كتير
ورد بتنهيده / مصايب إي بقولك هسمه و هيموت و انا على قراري و مش هغيره
كاميليا بتنهيده/ براحتك يا عيووني هاتي بقا فنجان القهوه ده انا كده عملت شغلي ناقص الفنجان بس
ورد / اهو اتفضلي شربتها

_قلبت كاميليا الفنجان في طبق
كاميليا/ ما تقوليلي يا ورد بتحبي حد
ورد بتوتر / مفيش حد بحبه في حياتي
كاميليا بضحك/ طيب

_شالت كاميليا الفنحان و بصت و ابتسمت

كاميليا / بصي هنقول إن حياتك الفتره دي هتكون وحشه بس بعد كده هتبقا جميله جداً و هتعيشي مبسوطه و قلبك مرتاح و لازم دايما تتصرفي ب ذكاء لإن المشاكل اللي جايه مش كويسه و مش هترتاخي منها بسرعه
ورد /بالنسبه للعيله
كاميليا / مبحبش اقول كل حاجه فالفنجان بس هما مش موجودين
ورد / انا مبؤمنش بالحاجات دي بصراحه
كاميليا بعصبيه/ نعم يا عيوني؟؟بعد كل ده مبؤمتش!!تؤمني بقا ولا تتنيلي طلعي اللي في جيبك يا عيووني

_ ورد طلعت ٧٠٠ جنيه

ورد بضيق/ حلوين؟
كاميليا بإبتسامه/ حلويين حلويين
ورد / يلا يا سلوى نمشي
سلوى / باي يا إيمي
كاميليا / باي يا عيوني مع السلامه
_________________________________
و ركبت ورد و سلوى تاكسي…

ورد بضيق / يارستني ما جبت الحاجات دي مبؤمتش بيها يا سلوى
سلوى / يبقا قولتي ليه نيجي
ورد / قولت افسر حلم بس
سلوى / متنكريش إن تفسيره شبه تفسير الفنجان
ورد بضيق / معرفشي بقا

_طلعت ورد تليفونها و طلعت رقم حمزه ترددت كذا مره إنها تتصل
سلوى بتنهيده / اتصلي
_و داستلها ورد على علامة التليفون الخضرا إنها تتصل
ورد / اووووف

_______________________________
عند حمزه ف مكتبه بيشرب ويسكي و سجاير الدخان مالي الأوضه كأن في فقلبه وجع كبير هو من إمتا و حد كان عند حسن ظنه أصلاً كلهم بعدوا و هانوه و هانوه قمة الإهانه كلهم كانوا بيسهروا منوا و يعاندوه حتى أهله ، أبوه من ابشع الناس و خلاه بشع مكنش حتى جمبه في وقت من الأوقات مفيش غيرها حسسه إن هو شخص كويس و قابل الحياه لكن إبليس رجع جواه هينتقم، هينتقم من كل حاجه حصلتله ..فصل أفكاره بتليفونه بيرن برقمها خد نفس عميق و فتح..
حمزه/ الو؟
ورد بإبتسامه/ حمزه؟
حمزه / اي يا حبيبتي
ورد بضحك/ حبيبتك؟
حمزه بضحك /أيوه يعني اومال اقووولك اي
ورد بابتسامه/ تمام براحتك
حمزه / اي رايك نتقابل
ورد / يايت انا برا أصلاً و كنت حابه اتكلم معاه
حمزه بإبتسامه/ تمام ونا كمان كنت عاوزه اقولك حاجه
ورد بفرح/ خلاص نتقابل عالنيل ممكن؟على كوبري قصر النيل تحديداً
حمزه بضحك/ حلو اوي

_قفلت معاه المكالمه و مبتسمه..
سلوى بتنهيده / هو طبعا هيتأخر على ما يجيلك انا هقعد معاكي شويه عاوزه اتكبم معاكي
ورد بإبتسامه/ تمام

_و نزلو من التاكسي وقفوا عالكوبري و مستمتغين بال هوا بتاع غروب الشمس بيدي طاقه إيجابيه

سلوى / ورد لو بتحبي حمزه فوليله الحقيقه من دلوقت و قوليله ان ياسين و محمود عاوزين ينتقموا منو و الاحسن ليكو تتحوزو و تمشوا ف خته محدش يعرفكو فيها
ورد بتنهيده/سلوى أنا كل ما أبص ف وشه أفتكر كل حاجه وحشه حصلتلي أفتكر حياتي اللي اتدنرت و خسارتي ل أهلي و صااحبتي مكنتش متخيله في يوم أخسر كل حاجه بحبها ، عارفه لما تحسي إن كل حياتك حلوه و ماشيه كويس كنت عسافر و هغيش خياتي و مراد قالي بحبك و من هناك بدأت اللعنه هو طلع بيكلم بنات غيري طلعت في بيت ناس معندهاش ضمير بعدت عن اهلي و كدبت و خنتهم و خنت ثقتهم اختي كرهتني عشان اتجوزت حبيبها و كسرت بخاطرها و أنا مقصدش كل حاجه كانت وحشه حصلتلي حمزه كان السبب فيها ..

_سكتت و عيونها إتملت دموع و كملت..

ورد بدموع / انا لو اتجوزته و حاولت أحبه …
سلوى بمقاطعه / انتي بتحبيه
ورد بدموع/ مبحبوش انا متعاطفه معاه مش أكتر لو عيشت معااه هفتكر حياتي المأساويه ..طول عمري نفسي اتجوز شخص يحبني و من أول ما أعرفه و هو نعمه في حياتي زي أي بنت نفسي أشوف وشه أفتكر حاجات حلوه و أحس معاه بالأمان نفسي أما أشوفه الاقي نفسي ببتسم تلقائي مش و انا مجبوره إني ابينله إني مبسوطه
سلوى / مين الشخص يا ورد اللي بتبصيله بتعوزي تشكريه على كل حاجه حلوه عملها ؟ مين الشخص اللي دايماً كان جمبك مين الشخص اللي بتبصيله بتبسمي و تحسي إنك معاه في أمان و طمأنينه و إنتي طول الوقت بما كنتي معاه كنتي بتبقي مبسوطه
ورد بدموع/ بتلقحي ل إي يا سلوى؟
سلوى بإستغراب / إنتي إزاي مش واخده بالك إنه بيحبك و ناقص يبوس تراب رجلك اللي بتمشي عليه
ورد بدموع/ ياسين مينفعش ليا يا سلوى مينفعش
سلوى بعصبيه/ ليه مينفعش ليييه؟؟اولاً أختك وشها الحقيقي ظهر و ياسين أصلاً مكنش بيحبها أوي و هو حبك إنتي
ورد بزعيق / عمرك ما هتحسي باللي أنا فيه لإنك معندكيش أخت
سلوى بدموع / إنتي صح

_سلوي لبست شنطتها و مشيت

ورد بندم/ ورد انا….اووووف

_إستنت ورد ربع ساعه بعد ما مشيت سلوى و جه حمزه لابس الزي الرسمي دايما و هو القميص الأبيض و البنطلون و كالعاده عضلاته بارزه من القميص و شكله مز

حمزه بإبتسامه / ورد
ورد بابتسامه/ حمزه
حمزه ضحك/ عامله إي
ورد / أهو متنيله كوويسه
حمزه ضحك/ هقولك خبر حلو بس يارب تقبلي
ورد / قووول

_حمزه طلع خاتم
حمزه بفرح/ تتجوزيني؟؟
ورد بتوتر / حمزه بس ..بس انا لسه ف اولى جامعه
حمزه بضحك/ و انا هستناكي ٦ سنين انتي كلية طب و بعدين هنسافر و أعلمك احسن تعليم زي ما وعدتك و هبقا جمبك دايمًا ده غير إن انتي هنا مبقاش ليكي حد و قاعده مع اخت الزفت ياسين و ده مش مريحني انك قريبه منه
ورد بتوتر / مش عارفه
حمزه بإبتسامه / هااا انجزي موافقه ولا لاء ؟؟؟بطلي دلع البنات ده بقا

_ فكرت هنا ورد للحظه إنها لو اتجوزته هتقدر تحدد مستقبلها هل هتقدر تكمل معاه ولا هتموته وفكرت انها ترفض بردو عشان خايفه من كل حاجه جايه ..
_______________________________
ورد هتوافق؟؟ ولا لأ؟ و

الثامن عشر من هنا