رواية لعبة الشيطان كامله
رواية لعبة الشيطان كامله
“هي مين يا باشا ؟
:ندي محمود الغريب ، بنت عندها 27 سنة وهي نائب مدير مستشفى كبيرة جدا ، أبوها يبقي عضو مجلس الشعب محمود الغريب .. له صفقات مشبو*هة مع تجار إسرائيليين في السر ، كمان بيتاجر في المخد*رات ، وناوي يجوزها لأبن أخوه مروان فتحي الغريب واللي هو ذراعه اليمين ، لكن ظالم زي أبوه وعنده 32 جريمة قت*ل عمد محدش قدر يثبت عليه حاجة … الموضوع تحدي بالنسبة لك يا أدهم بس انت قدها
” هما فرحهم قريب ولا لسه يا باشا ؟
:كمان أسبوع هيجوزهاله علشان مآمن الراجل الغلط علي ثروته ، لأنه مروان مش سهل … صحيح أبوه كان ظالم لكن ده ميعرفش ريحة الدم ولا الاحساس
“كده كده يا باشا محدش هيعرف خطتنا عاملة إزاي ، مهو أنا في الأول والأخير تلميذك ، انت بس سيبلي كل حاجة وأنا هتصرف معاهم
:عفارم عليك يا أدهم ، أنا كنت متأكد من أنك انت اللي هتعمل اللي هطلبه منك
“في الأول والأخير أنا تربيتك يا باشا
وفي قصر كبير جدا ، كانت فتاة شابة شقراء بعيون فيروزية وجمال لم يخلق له مثيل وجسد زادها جمالا أكثر بطول يصل إلى 173 سم ترتدي فستان سهرة ازرق مزين بالورود البيضاء وكعب عالي أسود ، ونزلت لتقابل عائلتها ورأت مروان ذا الذقن الخفيفة والشعر القصير الذي يعطيه وسامة صاحب البذلة البيضاء وربطة عنق سوداء مع بنطال أسود يمد لها يده ليمسكها ويقول لها : انتي جميلة جدا النهاردة يا ندي
*اهدا يا مروان كلها أسبوع ونتجوز ، افرض حد شافنا دلوقتي ؟
مروان : ما يشوفونا ! ، هو مش أنا خطيبك وحبيب قلبك والراجل اللي بيحميكي من أي حاجة ؟
ندي بخجل : ابعد بقا وشوف بابا بينده عليك في ايه
مروان بابتسامة : تمام يا حبيبتي ، متتاخريش في المؤتمر ، اه كنت هنسي … متخرجيش بالفستان ده لوحدك تاني !
ندي بخجل لأنه يغار عليها : حاضر آخر مرة ، المرة دي بس علشان المؤتمر مهم جدا ولازم أكون مظهري كويس فيه
مروان بنفاذ صبر : حاضر يا دكتورة ، بس آخر مرة زي ما بتقولي ، وإلا هيبقي في كلام تاني بعد كده !
وأطال النظر إليها بحب إلي أن خرجت وركبت سيارة ليموزين فخمة ، ودخل إلي غرفة معيشة قصر الغريب وألقي التحية علي العجوز الوقور محمود الغريب وقبل يده وقال : إيه أخبار صحتك يا عمي ؟
محمود وقد وقف قائلا : انت بتقول ايه يا مفعوص انت ؟ ، أنا لسه صحتي بخير متقلقش ، بس أنا عايزك تحافظ علي ندي من بعدي … هي ملهاش أي ذنب في شغلنا ده ، دي حتي بعدت عن طريقنا بسبب أمها ، اللي هيجنني بقا إزاي خسرنا المناقصة دي ؟
مروان ببرود وهدوء : متقلقش يا عمي ، مهو أنا مش مغفل علشان حاجة زي دي ، بس أنا عرفت مين اللي كسبها
محمود : مين يا مروان ؟
مروان : أدهم رضوان المنشار !
محمود باستغراب : هو ده لسه شاب طالع ولا ايه ؟
مروان : مش عارف والله ، بس واضح كده إنك تعرف حاجة عنه ، أو أصله
محمود : أصل الشاب ده اسمه مش غريب عليا ، كان ليا حد برضه زمان من عيلة المنشار ، بس ما*ت للأسف من سنين طويلة ، وواضح أنها كانت سرق*ة ، لكن حقيقة الجريمة ايه ، فلحد دلوقتي مش عارف
وفي المؤتمر بعدما انتهي ، ذهبت ندي لكي تنهي ما بقي من أعمال لديها ، لكن اصطدمت بشاب وسيم ذا شعر متوسط الطول وخط يمر من حاجبه الأيمن في نهاية كل خصلة لون أشقر وعيون زرقاء كزرقة البحار ولحية أنيقة جذابة جدا و بذلة سوداء بالكامل وكان قد فك أول زرين وظهر بعض من وشوم جسده العضلي وكسر كعب حذاءها وقالت بغضب : يا نهار أسود ! ، كعب جزمتي أم 40 ألف جنيه اتكسر … منك لله يا أخي !
:مني لله ؟ طب مش عيب حتي اللي بتقوليه ده ؟
ندي : اخلص هتتصرف إزاي ؟
” ثانية بس ، لما يتعدل أسلوبك في الكلام معايا أبقي أتصرف معاكي
ندي بغضب : انت بتهزر يا جدع انت ؟ ، ارجعلهم البيت إزاي كده وأنا ناقصة فردة جزمة كعب ؟
” طب العصبية مش هتفيدك بأي حاجة دلوقتي ، عربيتي قريبة من المؤتمر وفي مول قريب من هنا أقدر اوصلك ليه ، بالمناسبة انتي اسمك إيه ؟
ندي : أنا اسمي الدكتورة ندي الغريب ، واسفة علي المقابلة اللي قابلتها لحضرتك دي ، مين حضرتك ؟
” أنا بقا يا دكتورة اسمي يبقي أدهم المنشار ، اتشرفت بحضرتك يا دكتورة ندي
لكن كان هناك من يراقب الموقف ويراقب ندي عن بعد واتصل باحدهم يقول : تمام يا باشا
؛ ها ، ايه اللي جري معاه ؟
: لو قت*لته دلوقتي يا باشا هتترعب هي وكل اللي موجودين في المؤتمر ، هو دلوقتي ناوي يساعدها مش عارف حاجة غير أنه كعب جزمتها اتكسر
؛ اسمعني كويس … طول ما أدهم المنشار عايش فاحنا في خطر ، أدهم لازم يختفي من علي الأرض … حتي لو هتخفي معاه حد تاني !
